పట్టు పరికిణీలు పసుపు పారాణులు
ముగ్గుళ్ళ గొబ్బిళ్ళు బొమ్మరిళ్ళు
గంగిరెద్దుల యాట బుంగసానుల పాట
బుడబుడక్కల మోత భోగిమంట
కోడిపందెమ్ములు వేడి పొంగళ్ళును
పచ్చని తోరణాల్ పాడిపంట
హరిదాసు కీర్తనల్ అల్లుళ్ళ కోరికల్
మరదళ్ల సయ్యాట మామ్మ విసురు
పురుషుల పేకాట తరుణుల సింగార
మారార అరిసెల ఆరగింపు
తెలుగు పల్లెల సంస్కృతుల్ తేజరిల్ల
స్మృతి మధుర మహాకావ్య సంసృష్టి యనగ
అదె ధనుర్మాస మాసాంత మధివసించి
గడప గడపకు వచ్చె సంక్రాంతి లక్ష్మి
andamaina varnana
ReplyDeleteమెరుగుమిల్లి సుకవి మెరుగులు దిద్దగా,
ReplyDeleteజిలుగు చీర కట్టి తళుకు లొలుక
సత్కవి కవిత వలె సంక్రాంతి లక్ష్మి తా
వచ్చెనయ్య. కవుల మెచ్చెనయ్య.