మిణుగురు మిన్నంటి మిహిర సంకాశమై
దీధితుల్ కురిసిన తీపిగురుతు
గురు శిష్యబంధమ్ము తరతరమ్ములకును
దివ్యమై తనరారు తీపిగురుతు
జ్ఞానశక్తి నియంత సామ్రాట్టులకునైన
తృషను తీర్చిన మేటి తీపిగురుతు
విశ్వంబు విశ్వమే వినయాన్జలుల తోడ
ధీసారముంగొన్న తీపిగురుతు
దార్శనికుడు జగద్వంద్య తత్వవేత్త , భారతావని ముద్దుల పట్టియైన
గురువరుండు సర్వేపల్లి. మరులుగొల్పు,సాధుమూర్తి రాధాకృష్ణ సంస్మరణము
